MangoChaCha (已結業)

入到铺头，店员好礼貌问我想坐普通座位定bar枱，最后我拣左坐bar枱 坐底之后就嗌左一个招牌情人(＄68)，即系芒果雪糕雪花冰，同埋一个芒果雪糕窝夫(＄58)。招牌情人味道比较淡，个雪花冰甚至可以讲得系无味 雪花冰旁边系芒果肉粒，但吾新鲜，好似放左落雪柜雪左好耐甘。雪糕味道一般无乜特别，所以俾我预期中差好远，有少少失望。但系，佢个芒果雪糕窝夫就值得推介 个窝夫黎到既时候暖暖地，两块饼中间夹住冻既cream同芒果雪糕，两者一齐食个口感好特别，一冻一热甘好好味！而且，佢仲一位一杯细糖浆附送，中意食甜野既朋友加埋落去一定会觉得特别好食！