新宏利粥麵

营业中

休息中

清晨五点几，我哋喺妈子屋企陪佢竹战十二圈后踏上归途，特登嚟新宏利食佢个牛利酥卷肠粉，点知坐低后阿姐话冇㖞，冇计，惟有食第二啲嘢，我哋叫咗： 猪红艇仔粥：粥底好绵，米煲到开晒花，入面好多料，有碎牛、鱿鱼、猪红，料同粥嘅味道都唔错！ 炸两：啱啱炸好，劲脆，净食唔点酱都好好味！枱面有各款酱比你自由搞作！ 牛肠：皮比较厚咗啲，馅还可以，最唔掂系唔够甜豉油，枱面都有支豉油，不过系生抽弊呢！未食完已干塘要生吞！因为要返屋企瞓觉，所以唔想食太多嘢，而且又食唔到我想试𠮶样，所以今日嘅早餐超平！$30 埋单！