影片
更多
2014-03-23
18203 浏览
睇住呢间酒店一直动工到落成, 但一路都未试过, 于是趁老公生日, 嚟呢度食buffet庆祝下..............一早book咗枱, 而且系平晚, 所以嚟度时大把位, 而我俩被带到梳化位坐, 而梳化位虽然只系坐角位, 但都几舒服, 仲有几个"cool笋"比你埃住, 唔错, 而佢呢度d装修都系以浅啡色 (即系原木色咁上下) 为主, 唔会太暗, 而且望到出面街景, 感觉上都冇咁焗速~ 大部份枱都系梳化, 亦有几张大圆枱, 一家大细或者二人世界都啱~所有餐具放响枱面上的一个木盒, 当你坐低时, 待应会将个盒盖打开放斜, 入面有刀、叉、匙羮, 另外, 枱面放埋钳蟹用具、湿纸巾同餐巾, 一应俱全~ 新环境当然要周围行下先, 以三百几蚊的价钱, 都唔会抱太大期望, 都系一般buffet食到的食物, 但仲有唔系太多buffet有的原盅炖汤, 佢呢度设计系一边一路行为主, 令空间感好大, 你可以一路顺住行, 顺住拎, 唔驶夹完前面就拧去后面夹, 好似流水式咁, 而且呢度d食客都好守礼, 唔会打尖, 可能仲系新同唔系咁多人, 所以未驶打尖争食~ 首先当然系食冷盘先啦~ 面包蟹 -> 老公
一早book咗枱, 而且系平晚, 所以嚟度时大把位, 而我俩被带到梳化位坐, 而梳化位虽然只系坐角位, 但都几舒服, 仲有几个"cool笋"比你埃住, 唔错, 而佢呢度d装修都系以浅啡色 (即系原木色咁上下) 为主, 唔会太暗, 而且望到出面街景, 感觉上都冇咁焗速~ 大部份枱都系梳化, 亦有几张大圆枱, 一家大细或者二人世界都啱~
所有餐具放响枱面上的一个木盒, 当你坐低时, 待应会将个盒盖打开放斜, 入面有刀、叉、匙羮, 另外, 枱面放埋钳蟹用具、湿纸巾同餐巾, 一应俱全~ 新环境当然要周围行下先, 以三百几蚊的价钱, 都唔会抱太大期望, 都系一般buffet食到的食物, 但仲有唔系太多buffet有的原盅炖汤, 佢呢度设计系一边一路行为主, 令空间感好大, 你可以一路顺住行, 顺住拎, 唔驶夹完前面就拧去后面夹, 好似流水式咁, 而且呢度d食客都好守礼, 唔会打尖, 可能仲系新同唔系咁多人, 所以未驶打尖争食~
首先当然系食冷盘先啦~
面包蟹 -> 老公竟然夹哂成只番嚟, 真系食蟹都番本, 个蟹超多膏, 蟹盖入面满哂膏, 一半橙一半青, 夹埋成寸厚, 但唔会好硬, 食落又有鲜味, 唔会太咸海水味, 非常满足翡翠螺 -> 超大只, 真系前所未见, 好好肉, 好爽, 但都系有少少沙
虾 -> 反而size一般, 不过都好新鲜, 肉质亦好爽
青口 -> 个样OK, 但唔太好冻食, 所以冇试
刺身 -> 有三文鱼 (好肥美)、鱿鱼 (冇试)、鲷鱼 (有筋)、希灵鱼 (第一转ok, 第二转个味怪怪地)、墨鱼 (冇试)、醋青鱼 (唔会好醋, ok)食完个冷盘, 当然要叹番盅靓汤先啦~
炖汤 -> 系原盅上, 第一轮系菜干汤, 第二轮同之后都系老黄瓜汤, 味道超正, 好浓味, 一d都唔似系师傅汤, 系真材实料, 我地当汤系水咁饮, 但佢d料实在太多, 实质饮的汤其实得半盅左右, 但真系好正~原盅炖汤
之后到食主菜~佢呢度有即场烧烤, 见佢有牛有猪有鱼有乳鸽之类, 但好似黑忟忟咁, 而且好热气, 所以行过就算, 但见个印度厨师会提议你落咩酱, 都几照顾周到~
隔离就有d印度嘢食, 但款式唔多, 试咗个咖哩 (好香椰味), 饭 (又唔热又冇乜味, 所以一定要混咖哩食), 薄饼 (好脆, 不过好油)~
行过少少就系即煮pasta, 见佢好大碟, 暂时唔想试住, 不过见隔离枱个auntie都食哂, 所以个味道应该都唔错~最后再行过少少, 点咗d正嘢食~
脆皮烧肉 -> 睇住佢切时, 个皮真系脆到卜卜声, d皮碎飞到周围系
烧西冷 -> 我地食果个位真系啱我地要求, d肉红得嚟唔会有血水, 师傅切到好薄, 食落好有肉味, 又够林
烧猪手 -> 唔会太咸, d肉仲好嫩滑
烧骨 -> 个酱唔错, d肉都可以, 够瘦, 但瘦得嚟又唔un
响呢四样嘢前面有好多酱比你选, 除咗平时见惯的烧汁、英式芥辣、薄荷酱, 仲有三个好吸引我试匀的酱, 分别系薰衣草芥辣 (唔太浓薰衣草味)、黑松露芥辣 (同普通芥辣冇乜分别, 系见到d黑色点点) 同埋朱古力芥辣 (朱古力味盖过芥辣), 真系酱汁仲多过主菜, 变咗妹仔大过主人婆~ 暂时要中场休息下, 然后再战其他热盘~
虽然其他热盘选择不多, 而且只系不停refrill, 唔会有新嘢, 嚟嚟去去都系果唔够十款, 所以我可以试齐哂
~
烧炉鱼 -> 已经切开细细件去烧, 但都唔会烧到d散太干, 仲有少少汁酱烧牛仔骨 -> 味道偏浓偏咸
羊架 -> 虽然膻膻到, 但d肉好嫩好林, 又唔太肥
瓜环 -> 鱼肉酿节瓜甫, 鱼肉唔腥又唔散, 瓜环又唔会煮到烂
西兰花 -> 开头见到好多黄色茸, 仲以为系蒜茸, 番到去食先见到佢系包住d蛋白粒, 但依然食唔出黄色果d系乜?
黑榄薯角 -> 油咗d
菠萝炒饭 -> 冇兴趣试, 但个样都好似几干身
炒小棠菜 -> 又系好油
煮青口 -> 青口细只左d, 有少少椰味印度食品
食到够皮, 系时候要食甜品~
甜品种类唔多, 而且大部份都系一般....................
软雪糕 -> 有杯装同甜筒任选, 但唔想咁饱, 所以冇试甜筒, 同埋我见佢d甜筒一早就插哂响度, 本人唔太想食, 讲番个雪糕, 超正, 好重牛奶味, 你见佢个颜色系黄少少, 冇咁漂白, 而且好够冻(个杯都系雪住的)糖水 -> 有三款, 试咗红桑梅 (好似饮紧咳水咁 ), 蜜瓜西米露 (冇乜蜜瓜, 又冇乜西米, 冇乜蜜瓜味, 感觉好水), 仲有个木瓜雪耳冇试
cake/杯 -> 都系得几款选择, 我试过的都系好甜
芒果布甸 > 质感唔得, 太林, 又冇芒果味
杞子桂花糕 -> 质感又系唔得, 林到好似溶水咁, 虽然眼见好足料, 好多桂花, 但唔浓桂花香lor~
行过见到佢果部光波机, 就估到佢会有梳乎厘食, 但佢冇牌写住, 唯有问个师傅, 佢就比咗个牌我, 我问佢等几耐, 佢就话15分钟, 到过咗15分钟, 去问佢, 话未得, 但又唔讲几时得, 咁我又周围行, 行咗5分钟再番去, 佢又话未得, 搞到我火都嚟埋, 问佢究竟要等几耐? 佢突然话得, 叫我比只碟佢, 眼见焗到谷起哂, 急急脚番位食, 但点知.........上面果层就勉强得, 下面仲系好湿, 而且佢个梳乎厘系士多啤梨味, 好似食紧机整棉花糖咁, 入到口溶咗, 仲有d黏牙, 完全失望~
抖咗一阵, 虽然已经好饱, 但依然想揾d菜食下, 就去咗面档, 问下可唔可以净系要菜, 佢话可以, 于是就点咗两个菜, 但由于我地选的菜要煮耐少少, 所以就比张咭我, 转头先出嚟拎~
响等拎菜的期间, 叫定两杯drink, 佢呢度系包每人一杯饮品, 但你唔问佢就好似唔会主动问你咁, 而我地原本谂住叫柠蜜, 问下佢有冇时, 可能个侍应系新, 但都笑笑口话帮我问问先, 转头番嚟时话要加钱, 不过见到后面佢问果个应该系senior少少的女人, 佢竟然系黑口黑面咁, 唔知佢系黑个伙计面定黑我地面, 最后我地都系决定饮柠茶算~等咗五分左右, 出到去原来已经预备好我地碗菜, 等我嚟拎时先加汤~
有机豆苗+娃娃菜 -> 虽然两样份量都唔算多, 但D菜都好新鲜, 不过个汤就怪怪地, 好重香料味, 好似系d越式或者泰式果类~实在系饱到行唔郁, 其实呢度仲有其他沙律、生果、巴马火腿、芝士等果d西人嘢食, 一来我地唔好, 二来真系好鬼饱, 冇位再放.................是次buffet生日餐就此结束, 有机会再同屋企人嚟食过~
题外话/补充资料：
整体嚟讲, 以三百几蚊的buffet嚟讲, 真系算唔错, 食物可接受, 系甜品差咗d, 而且大部份侍应同厨师都笑容满面, 只有少部份人系冇乜笑容, 甚至黑口黑面, 不过呢d人可以不理~
(以上食记乃用户个人意见 , 并不代表OpenRice之观点。)
张贴
