影片
更多
2024-07-31
1133 浏览
星期六下午两点几去到，因为附近其他餐厅都排队，见呢间唔洗排就试下，喺门口已见到有吉枱 (大枱)，吧枱都有位，店员话有张二人枱执紧，叫我哋等执好才入，点知等了一阵有另两个人取了飞，店员就竟然叫我哋都取飞，明明系话执好就入得，而家变咗排第二，之后店员问我哋，有吧枱坐唔坐，咁我哋就话OK，点知问完我哋后，佢又去问攞了飞的那两个人，对方又答无所谓，店员就话因为人哋张飞系先的，所以要俾对方先，咁你就唔好走嚟问我哋啦，我怀疑佢发紧梦都唔知自己做紧咩！ 入座后点了餐，足足等了廿几分钟才上餐，当时只约有6-7成客人，都要等咁耐，仲要限时一个钟，仲要食物都唔系热的，咁先至激气！唯一OK系天妇罗够脆身，但系入面是暖的，最离谱个天妇罗汁系冰冻的，从未见过系用雪冻的汁，点完汁后，外层是冻，入面是暖，真系唔知自己食紧咩！面豉汤劲咸，我朋友都算系食开重口味的人，都话好咸，鳗鱼饭同样系唔热，只系暖。另一差劲食品系所谓的和牛乌冬，其实都预咗只系肥牛，边会有和牛俾你食，但连乌冬都差就真系劣！乌冬明显系一早已煮定，我要用筷子摷散啲乌冬，因为已结成一旧旧，碗好细，汤好少，混在唔热的乌冬中，整碗嘢只系温温哋，最劲系可以煮到啲
入座后点了餐，足足等了廿几分钟才上餐，当时只约有6-7成客人，都要等咁耐，仲要限时一个钟，仲要食物都唔系热的，咁先至激气！
唯一OK系天妇罗够脆身，但系入面是暖的，最离谱个天妇罗汁系冰冻的，从未见过系用雪冻的汁，点完汁后，外层是冻，入面是暖，真系唔知自己食紧咩！
面豉汤劲咸，我朋友都算系食开重口味的人，都话好咸，鳗鱼饭同样系唔热，只系暖。
另一差劲食品系所谓的和牛乌冬，其实都预咗只系肥牛，边会有和牛俾你食，但连乌冬都差就真系劣！乌冬明显系一早已煮定，我要用筷子摷散啲乌冬，因为已结成一旧旧，碗好细，汤好少，混在唔热的乌冬中，整碗嘢只系温温哋，最劲系可以煮到啲乌冬好稔完全无咬口，收呢个价钱，用嘅唔系急冻乌冬，细细碗都要用cheap cheap 乌冬！
我个餐是包甜品，原来系一小碟水果，但无餐具，问侍应攞，佢嘅覆回系：「我哋无叉㖞，枱上有牙签！」真系估佢唔到。
服务唔洗讲，梗系无啦，隔离枱叫斟茶，两张枱咁细咁近，我哋两杯都饮晒都唔会顺便斟埋！
一个set连加一要HK$180多，但食物系food court 质素，亦无服务，仲要限时一个钟，无人排队真系有原因㗎！
张贴
