沙嗲王 (+WOO嘉湖二期)

营业中

休息中

见到有$9浓虾汤，估到唔会大碗，但好抵，我钟意饮好热嘅汤，呢碗就唔够热，不过好鲜味，好滑，性价比高。蒜香牛油烤饼两件$4，唔谂即叫，嚟到好够热，预左会油啲，但好松脆，好香蒜味但又唔太浓，超抵食。蟹粉豆腐锅配薄饼两件，佢啲饼真心好心，用手撕开都唔觉油，又松又脆。蟹粉豆腐锅有几旧蟹肉，食到金沙酱，配清清地嘅豆腐，显得好鲜味，个汁有啲杰，唔系水流流，好香浓，真系一个人食晒都冇问题😅。食极唔停芝士条，细细条，真系一口接一口，我谂叫客大都食得晒，芝士控唔使谂，必点。己前系出面成日食，但次次都系叫果啲咖哩猪扒，食到闷。估唔到几年后多左咁多新菜式，天水围呢间做得几好，唔怪得咁多人排队。