影片
更多
2010-12-21
23 浏览
是晚被赋予既任务就系带酒同埋买蛋糕，虽然唔算系强项，不过我都几喜欢呢个工作的。=) 上次同佢地食完may's cookies既crunch cake，今次话想试d新野，咁我就即刻谂到呢度，所以晚饭前一天就打黎订蛋糕啦。打去既时候店员非常有礼貌，问店员有咩口味佢讲左几只，净系记得热情果芝士，朱古力，同芒果，问佢推介边只多D佢就话好多时客人都觉得热情果芝士好味，所以我就要左呢款啦~ 店员仲会好好咁问写咩字，又话有个名会靓D等等~是日 5 点几黎到拎蛋糕，去到门口漆黑一片，我呆左又赶时间㖞! 打电话原来话按多几下钟就应该会有人出黎的，可能系预备晚餐中~ 不过入到去其实都要等一阵，可能又要等佢放入盒成都要等左十分钟到，跟住我同店员系找续上又出左D小意外，好彩大家都唔系麻烦人，问题好快就解决啦。晚饭时候拎个蛋糕出黎大家当然哗哗声，大赞漂亮啦~ 大家都喜欢真系好啦，又俾人赞我做得好，嘻嘻~~ 个蛋糕唔止得个样，食落味道都非常唔错~ 虽然佢系芝士蛋糕，但佢食落感觉好light，一D都唔会觉得好腻，会食到淡淡既芝士香~ 另外因为热情果所以佢有D酸酸地，但个酸味唔会太over，感觉好清新~ 蛋糕食落都几
是晚被赋予既任务就系带酒同埋买蛋糕，虽然唔算系强项，不过我都几喜欢呢个工作的。=) 上次同佢地食完may's cookies既crunch cake，今次话想试d新野，咁我就即刻谂到呢度，所以晚饭前一天就打黎订蛋糕啦。
打去既时候店员非常有礼貌，问店员有咩口味佢讲左几只，净系记得热情果芝士，朱古力，同芒果，问佢推介边只多D佢就话好多时客人都觉得热情果芝士好味，所以我就要左呢款啦~ 店员仲会好好咁问写咩字，又话有个名会靓D等等~
是日 5 点几黎到拎蛋糕，去到门口漆黑一片，我呆左又赶时间㖞! 打电话原来话按多几下钟就应该会有人出黎的，可能系预备晚餐中~ 不过入到去其实都要等一阵，可能又要等佢放入盒成都要等左十分钟到，跟住我同店员系找续上又出左D小意外，好彩大家都唔系麻烦人，问题好快就解决啦。
晚饭时候拎个蛋糕出黎大家当然哗哗声，大赞漂亮啦~ 大家都喜欢真系好啦，又俾人赞我做得好，嘻嘻~~ 个蛋糕唔止得个样，食落味道都非常唔错~
虽然佢系芝士蛋糕，但佢食落感觉好light，一D都唔会觉得好腻，会食到淡淡既芝士香~ 另外因为热情果所以佢有D酸酸地，但个酸味唔会太over，感觉好清新~ 蛋糕食落都几松软，表面d花花系朱古力黎既，带返d甜味俾个蛋糕~ 所以总括黎讲大家都好满意呀~ 当然主角开心就更加完美啦。
是日呢个蛋糕为大家制造左一d惊喜，我既任务又顺利完成，真系好! 仲要多谢店员，因为我都有d唔好意思~~ 虽然二百几蚊一个蛋糕都几贵，哈，但都系心意而且大家开心最重要。=))))
张贴
