一碗肉燥 (喜薈)

营业中

休息中

餐厅装潢几靓，黄色墙又有d猪仔图案。dinner7点半左右到，已经好多人，迟一步就要等位。疫情下，要量体温，亦有提供消毒搓手液。叫左香菜盐酥鸡、煎饺子，配金银蛋娃娃菜，精巧肉燥饭，餐饮冻蜂蜜红茶(~$59)，回魂黑醋猪软骨肉燥蕃茄汤面(~$48+$4)，餐饮黑糖珍珠鲜奶(加$7)。自选肉燥饭套餐抵食，可以一次过试到几款台式小食。肉燥饭既肥瘦肉ok，酱汁唔太咸，配饭食一流。盐酥鸡炸得够香，肉嫩仲有肉汁，大约有5大件。煎饺子有3大粒，粒粒饱满，形状圆圆地几得意。娃娃菜汤清甜，仲有d皮蛋、豆腐粒，健康。肉燥面好大碗，而且蕃茄汤好浓，亦有粒粒蕃茄，红当当。跟餐加$7配黑糖珍珠鲜奶，唔会过甜，珍珠有口感。猪软骨既软骨煮得够软，有大约3件。配料仲有卤蛋、豆角粒、肉燥。面身属硬，所以唔会惊浸住d汤而变软。非常大碗，男仔食哂可能会好饱。整体，食物质素唔错，不过食到一半左右，侍应开始好频密系附近兜转，准备收碟，再话入座时间系90分钟。如果一开始讲明用餐时间，可以有个心理准备，感觉会好d。可能有贴到指示，不过冇留意到。