見見面 (已結業)

餐厅装潢几有特色而且新净，墙上挂咗花灯更添古香风味，座位间隔距亦足够，坐得几舒服。 😉食物嘅选择亦几多，鱼类烹调有水煮、剁椒、烤鱼等好几款，另外亦有多款小炒，全部用QR Code落单。 水煮桂花鱼 (例牌) $288汤底拣咗少少辣，闻落好香，而桂花鱼片份量都几多同好大片，肉质好嫰滑，配菜本身有好多芽菜，再另加咗寛粉(+$30)，寛粉配辣汤真系好夹。 🌶蒜泥白肉 $68蒜泥酱好香好惹味，薄薄嘅猪腩片配青瓜，开胃嘅小菜。 清炒莴笋丝 $78份量都几多，莴笋丝好爽脆，食完辣野食呢个啱哂。 😉红糖糍粑 $38一碟有8条，外层非常脆身，而入面好软糯又烟韧，面头洒上黄豆粉，再沾上红糖酱，好食，呢个大推。 👍👍钟意食水煮鱼既朋友仔不妨试下，另外可以喺落单时选择麻辣度，好弹性好方便。