神燈燒 (已結業)

今日我约左朋友去旺角行街，行街之前都系食左野先，到最后唔知食咩好，行行下见到间任食烧肉放题，见里面都多选择。我地到最后拣了level 2，level 2都有125款食物，真系有排食喇。而家好多地方都是用上手机点单，这间也不例外。饮品劲多选择，有罐装、樽装、泰式饮品(例如：珍多冰、凉粉冰、龙凤大柠乐)等等，除了罐装支装可以出面拎之外，其他饮品可在手机叫。到最后叫左杯龙凤大柠乐，饮完仲可以系出面攞支玻璃樽可乐加落去，超正!!饮品区附近都有熟食、腌肉、酱汁、卷物、沙律、老火汤、糖水等等。比想像中算多选择。出面熟食区攞左辣酒煮花螺、咖喱牛腩，两者都不错，花螺非常入味仲带点微辣，个咖厘比想像中出色，仲可以配埋白饭一起食，值得推介。其他烧物就叫左我地至爱既鸡翼，鸡翼有三款：土匪、辣味、黑椒蒜香，三款都叫哂，三款都唔错，但土匪比较惹味同喜爱。牛都是必叫的一种，叫了牛仔骨同黑椒西冷扒，金菇肥牛卷等，这个性价比真系非常高。食甜品前都夹了几旧火炙三文鱼加州卷。甜品攞了个泰版熊猫雪糕，一开出黎非常得意但带点邪恶。食完最后甜品超满足超饱。