影片
更多
2020-10-26
371 浏览
2020年10月19日 星期一今日好突然咁约左两位旧同事一齐食饭，话想倾吓大家嘅近况，所以就同埋老婆一共四个人去咗旺角食饭今次拣嘅呢一间餐厅贪佢有中日韩放题，差唔多咩类别嘅食物都有，价钱仲要唔太贵添，任饮任食最啱我，因为唔需要留意价钱，想食乜都得火锅方面有好多汤底可以选择，有啲仲要之前未见过，例如崩沙牛腩煲、银杏白肺煲、姬茸节瓜煲等等，最后我哋要咗浓汤花胶海鲜煲，感觉好似好矜贵咁汤底嚟到嘅时候真系吓咗一跳，里面竟然有四旧大花胶，充满骨胶原，而且海鲜嘅份量都唔少，有好多蚬同海虾，令到汤底充满鲜味火锅可以选择嘅配料都唔少，餐厅仲好贴心提供埋素食类别，俾素食人士更加容易选择配料，特别留意到有某啲配料嘅名称好有趣，包括一试难忘鱼皮饺、忘不了年糕、自己满意墨鱼丸，成功吸引咗我哋点餐食物好快就送到，大部份都好新鲜，首先美国雪花肥牛油脂分布好平均，渌一渌已经熟晒，唔会太靭至于安格斯牛柳粒就充满牛肉味，够晒有咬口，而墨鱼丸真系同佢改嘅名称一样令到我哋十分满意，因为好弹牙而且充满墨鱼味另外我哋仲有点一分钟鱼片、炸响铃同金菇，每一块鱼片虽然几大块，不过真系渌一分钟左右已经好熟，变晒色，鱼肉唔会过硬，肉质仍
今日好突然咁约左两位旧同事一齐食饭，话想倾吓大家嘅近况，所以就同埋老婆一共四个人去咗旺角食饭
今次拣嘅呢一间餐厅贪佢有中日韩放题，差唔多咩类别嘅食物都有，价钱仲要唔太贵添，任饮任食最啱我，因为唔需要留意价钱，想食乜都得
火锅方面有好多汤底可以选择，有啲仲要之前未见过，例如崩沙牛腩煲、银杏白肺煲、姬茸节瓜煲等等，最后我哋要咗浓汤花胶海鲜煲，感觉好似好矜贵咁
汤底嚟到嘅时候真系吓咗一跳，里面竟然有四旧大花胶，充满骨胶原，而且海鲜嘅份量都唔少，有好多蚬同海虾，令到汤底充满鲜味
火锅可以选择嘅配料都唔少，餐厅仲好贴心提供埋素食类别，俾素食人士更加容易选择配料，特别留意到有某啲配料嘅名称好有趣，包括一试难忘鱼皮饺、忘不了年糕、自己满意墨鱼丸，成功吸引咗我哋点餐
食物好快就送到，大部份都好新鲜，首先美国雪花肥牛油脂分布好平均，渌一渌已经熟晒，唔会太靭
至于安格斯牛柳粒就充满牛肉味，够晒有咬口，而墨鱼丸真系同佢改嘅名称一样令到我哋十分满意，因为好弹牙而且充满墨鱼味
另外我哋仲有点一分钟鱼片、炸响铃同金菇，每一块鱼片虽然几大块，不过真系渌一分钟左右已经好熟，变晒色，鱼肉唔会过硬，肉质仍然保持嫩滑
炸响铃放落火锅一两秒即刻拎上嚟，既可以吸收汤底嘅鲜味，又不失炸响铃本身嘅香脆，我哋即时encore要多一份
至于日式放题当然唔少得有刺身，每一款刺身都好新鲜，而且切得好大件，摆盆仲好靓添，啱晒用嚟打卡
三文鱼厚切之余仲入口即融，帆立贝都好大只
至于炸物方面，我哋每样都叫咗少少嚟食，当中有一款几特别，就系鱼肉油炸鬼，每一旧油炸鬼上面都有一旧鱼肉，既食到油炸鬼嘅香脆，又食到鱼嘅味道
仲有多春鱼天妇罗同鱿鱼天妇罗，鱿鱼仍然好弹牙，多春鱼里面有好多鱼春，脆卜卜
最后仲有韩国烧烤嘅点餐纸，不过由于之前已经食咗火锅同日式放题，实在已经好饱，希望下一次嚟嘅时候有机会尝试韩国烧烤
张贴
