82

营业中

休息中

最近疫情影响，好多餐厅酒吧娱乐场所都受到影响生意大跌。佢地都推出咗好多唔同嘅优惠吸引食客，呢一间喺荃湾嘅酒吧就令我大开眼界，居然$38就可以食到鸡牛猪嘅任食串烧，系咪真系咁抵食呢？同朋友几个人经过荃湾呢间舖头唔系太显眼，位置就系肉饼歌同埋一间回收厂隔离，有点偏远，但装修比较年青化，未必太多人知道，是私人聚会的好地方。原来呢度每人叫一杯嘢饮之后加$38就可以任食呢3款串烧，有得拣辣同唔辣，另外喺部iPad上面仲可以拣其他小食拼盘，有花枝丸、蟹饼薯蓉、炸鲍鱼菇等等，款式都比较多元化。我最钟意饮我个杯Pina Colada，感觉好Smoothie，绵绵的细冰充满菠萝椰汁味道，少少酒精成份，格外凉透心。朋友就叫咗杯1664，够冻，一啖酒一啖串烧，人生一大享受。