Give Me 5 (已結業)

朋友之前经过见到有任食牛扒，知道我都系牛魔王，所以约定我嚟呢度食饭。餐厅地方都几大，有桌球枱同飞镖机，可以供客人娱乐。侍应问想叫 set dinner 定任食牛扒，我哋紧系拣任食任饮放纵吓。餐厅有1个地方系自取区，可以拎汤，沙律同排队拎牛扒。呢晚嘅汤系蘑菇忌廉汤，食到蘑菇粒，几好饮! 沙律吧有唔同嘅菜同沙律酱汁选择。沙律吧嘅蔬菜都新鲜，蒜蓉包香脆，配汤最夹。澳洲谷饲肉眼扒会有店员负责切，有客人想拎先会切，呢晚嘅牛扒虽然唔肥，但唔嚡，有浓浓嘅牛肉味，肉汁亦保留到，我就钟意加埋芥末酱一齐食，唔错! 呢晚任食嘅主菜系德国烧猪手，呢个就要同店员落单，猪手外皮松脆，肉就够咸香。薯角或薯菜都系要同店员落单，薯角炸得干身唔油腻，好味! 甜品都系自助，食完正餐，系时候食个甜品埋尾，朱古力蛋糕配牛奶布甸，朱古力蛋糕香浓。饮品都系同店员落单，如果想饮酒，都可以加钱任饮。