平昌 Premium (已結業)

今晚同朋友黎佐敦食韩式烧肉，呢间位于庄士伦敦广场的平昌系一间颇受欢迎的韩式烧肉放题店，好难得终于今晚订到位上黎食。我地今晚拣咗Luxury buffet 套餐，可以任食多款靓牛肉。猪皮，烟韧大块，好够胶质，容易烧得脆，油脂味香浓，𠯿落好弹牙。烤牛肋⻣肉，肉质嫩滑鲜甜，重牛肉味，有嚼劲。香辣猪大肠，爽口美味，辣辣地，酱汁惹味。鸡翼，鸡中翼肉质嫩滑，少少腌过，够入味。五花腩，稍微偏瘦，食落唔肥腻，肉质结实。烤牛脷，新鲜嫩滑，咬落好爽脆，味道浓郁，切得够薄，有口感。牛肉眼，好大块，成块牛扒咁，烧熟香味散发。酱油虾，必试之选，味道咸中带甜，虾肉弹牙爽口。鲭鱼肉质鲜甜嫩滑，唔会腥，鱼香味重。带子同蚬，带子肉质厚身嫩滑，蚬肉清甜。泡菜煎饼，唔辣，香脆惹味，入面系软稔的泡菜馅等。