影片
更多
2023-08-23
2296 浏览
旺角可以话系美食天堂，但有好多高质食肆都系喺商业中心上面，呢间火锅放题喺兆万中心上面，食物用料都好高质，主打四合一放题，一次过试晒刺身、鸡煲、火锅同韩烧🔥，选择超级多！今次午市过去，个场都唔会话好爆，主要用QR code落单，啲嘢食嚟得好快又齐，冇漏单嘅情况！外面仲有个自取区，可以自己拎啲蔬菜或者串烧返去，出面嘅食材拎返去打边炉又得，摆落去烧烤都得，几好玩！下次同朋友聚会谂唔到食咩，可以嚟呢度试吓，一次过满足晒唔同口味，值得一去！🤩餐厅人手比较少，收碟嘅速度相对较慢，啲碟长时间都会摆咗喺枱上面冇人理，但以呢个价钱嚟讲，性价比依然好高！------------------------------👑◖经典中日韩任食◗ $258佢嘅饮食套餐都有唔同选择，可以净系要鸡煲或者净系加刺身，切合返唔同顾客嘅口味～呢个价钱已经食到比放题更加多嘅食物种类，午市时段去更加抵食！▪️ 汤底🥘汤底有比较清淡嘅火锅汤底，或者比较重口味嘅锅底，今次拣咗个浓汤花胶鸡煲🐓，锅底都几足料，有几大块口口嘅花胶，同埋半只清远鸡去熬煮，肉质都唔算干柴，颇有鸡味，胶质十分之丰富！如果拣食重庆鸡煲嘅朋友仔，仲有得无限添加鸡件，可
餐厅人手比较少，收碟嘅速度相对较慢，啲碟长时间都会摆咗喺枱上面冇人理，但以呢个价钱嚟讲，性价比依然好高！
------------------------------
👑◖经典中日韩任食◗ $258
佢嘅饮食套餐都有唔同选择，可以净系要鸡煲或者净系加刺身，切合返唔同顾客嘅口味～呢个价钱已经食到比放题更加多嘅食物种类，午市时段去更加抵食！
▪️ 汤底🥘
汤底有比较清淡嘅火锅汤底，或者比较重口味嘅锅底，今次拣咗个浓汤花胶鸡煲🐓，锅底都几足料，有几大块口口嘅花胶，同埋半只清远鸡去熬煮，肉质都唔算干柴，颇有鸡味，胶质十分之丰富！如果拣食重庆鸡煲嘅朋友仔，仲有得无限添加鸡件，可以真系食到过瘾！
▪️ 刺身类🐟
今次拣呢个任食套餐包咗刺身任食，刺身款式一啲都唔劣，竟然有赤虾🦐同埋珍宝带子，在加平时放题比较常见嘅款式，好似三文鱼、赤贝、马刀贝𠮶啲，食落都鲜甜弹牙～几欣赏佢个三文鱼刺身够厚切，油光满满✨，望落好新鲜弹牙，食落去食得出鱼油嘅甘甜；马刀贝同赤背都好爽脆鲜甜，整体刺身都几有水准，系回本首选！
️▪ 肉类🍖
鸡牛羊猪都有超多选择，几欣赏佢个澳洲M3和牛，渌完之后软腍有肉味！除咗平时食开嘅火锅配料，佢仲有得叫大元贝、香草羊架、牛仔骨呢啲拎去烧，出面仲有得自己拎啲鸡肉串、牛柳粒去烧～火锅配料方面，个人觉得可以试吓佢哋个牛肉、黄沙猪膶、鲜虾、卜卜蚬，都几高质，整体火锅都系正常发挥～另外仲可以拎啲火锅配料去烧烤，发挥自己个小宇宙，拎啲虾去烧都唔错，几好玩！🤣
▪️ 配料🐖🥬
蔬菜类配料大部份都系出面自己拎，有油麦菜、皇帝菜、娃娃菜、莴笋呢啲常见款式；仲有唔少配料好似丸类、猪牛鸡嘅内脏个位都几齐，每个类别可以拣嘅嘢都好丰富！
▪️ 甜品🍮
佢呢度嘅甜品选择就相对失色咗少少，只系得雪糕杯，但口味都几多嘅，当日就有士多啤梨、海盐、伯爵茶、朱古力同咖啡味～
🌟 Encore指数：8.9/10
张贴
