影片
更多
2024-12-27
991 浏览
一直住在将军澳，都知道将军澳好少好嘢食特别系任食嘅火锅😅今日早放工，同老公喺将军澳行街，见到一间新开嘅任食台式火锅店。门面设计系木系装修。座位好宽敞光鲜，重点系佢任食火锅嘅选择好多。所以我哋决定去食吓。。 环境干净，座位好宽敞。就算两个人去食，座位都唔局促，座位好大。当日7:00去食饭，餐厅入边座位都几爆。 系雪糕唔系啲大品牌，系系韩国/泰国雪条，款类都几多任拣嘅种类特别多，我见佢哋餐牌写住配菜多达20种。就算菜嘅种类都特别多，因为系台式火锅，所以我见到有好多台湾嘅蔬菜，例如水莲、花生豆芽菜。 并不是只得菜心生菜油麦菜，这些香港嘅本地常见嘅蔬菜。系真系有意外惊喜。另外吧枱更有台湾嘅小食，例如台湾香肠，爆谷，炸芋丸。未开波打边炉都已经可以俾啲小食食饱。因为小食真系好多款种类。另外仲加设咗甜品Bar，有仙草芋圆台式珍珠花奶任君大家去配搭。你可以落几多芋圆或芋泥都得㗎。入返正题，今次我叫咗两个火锅底，一个系麻辣锅一个系佛跳墙锅。麻辣锅唔够辣，可以建议再加辣都得。不过佛跳墙汤底有惊喜，个汤底好甜，如果攞嚟渌菜，会令啲菜吸晒汤嘅甜味，而且个汤底好足料，食咗全程我都捞到三只鲍鱼仔两只小海参。加上冬
特别系任食嘅火锅😅
今日早放工，同老公喺将军澳行街，见到一间新开嘅任食台式火锅店。
门面设计系木系装修。座位好宽敞光鲜，重点系佢任食火锅嘅选择好多。所以我哋决定去食吓。。
环境干净，座位好宽敞。就算两个人去食，座位都唔局促，座位好大。当日7:00去食饭，餐厅入边座位都几爆。
佛跳墙汤
0 浏览
0 赞好
0 留言
任拣嘅种类特别多，我见佢哋餐牌写住配菜多达20种。就算菜嘅种类都特别多，因为系台式火锅，所以我见到有好多台湾嘅蔬菜，例如水莲、花生豆芽菜。
并不是只得菜心生菜油麦菜，这些香港嘅本地常见嘅蔬菜。系真系有意外惊喜。
另外吧枱更有台湾嘅小食，例如台湾香肠，爆谷，炸芋丸。未开波打边炉都已经可以俾啲小食食饱。因为小食真系好多款种类。
另外仲加设咗甜品Bar，有仙草芋圆台式珍珠花奶任君大家去配搭。你可以落几多芋圆或芋泥都得㗎。
入返正题，今次我叫咗两个火锅底，一个系麻辣锅一个系佛跳墙锅。麻辣锅唔够辣，可以建议再加辣都得。不过佛跳墙汤底有惊喜，个汤底好甜，如果攞嚟渌菜，会令啲菜吸晒汤嘅甜味，而且个汤底好足料，食咗全程我都捞到三只鲍鱼仔两只小海参。加上冬天食依个汤底一流，因为佢仲加咗少少红枣杞子食落去好补身又唔会太热气。呢个汤底值得介绍。
食到最尾先知道依个佛跳墙汤底只系得将军澳店有，将军澳之友可以留意吓啦！
牛肉方面我都觉得几好食，记得放喺麻辣汤底𠮶度渌，肉质都几嫩，有牛味。 因为第一次食，所以我叫咗个Level three嘅任食餐嚟食。牛肉牛脂唔算多不过就偏薄，所以建议大家叫多几碟。 
另外手机落单，除咗可以叫肉类之外。仲有好多台式夜市小食，例如蚵仔煎、盐酥鸡、话梅粉薯条。佢小食真心好食，唔系Hea你，另外佢个葱油饼都劲好食，不过佢一上枱你就要食啦，因为冻咗唔好食。
外脆内软、葱油味浓郁。由于每次上菜分量较少，建议多叫几份比较好。
最后饮品都唔孤寒，目测都有成12种种类嘅饮品俾人选择，仲有一啲喺台湾先买到嘅饮料，或者佢哋自家制作嘅冷泡茶。不过冷泡茶不过不失。 建议饮佢哋嘅台式饮品。
最后每人消费$438，价钱中规中矩，对得起个价钱。 美中不足嘅系用餐时间90分钟,真系唔够时间食。 😂
张贴
