尚鮮日式燒肉漁市場 (已易手) 新餐厅

喺香港都比较少有和牛放题食，难得呢一间标榜住喺日本直送，今日就嚟试试佢！呢间野位于铜锣湾金利文广场3楼，餐厅面积颇大。我哋2:00pm入座，唔算多人。我哋今日会食嘅就系呢个烧肉放题，用餐时间两小时，点餐时间1.5小时。餐厅座位阔落，每一枱都有独立烧烤炉同抽油烟机，两人坐都好阔落舒适，而且抽风做得几好，餐厅入面都冇话好重烧肉味，唔怕染到成身味～呢到系用QR code自助落单。食物款式都几多，由和牛、各种肉类、刺身、炸物都有，连生蚝都系任烧。值得一赞嘅系呢度上菜速度好高，落完单1分钟都未到，店员已经送上刺身，快到我都吓亲haaha 饮品嘅选择都几多，有啤酒同埋各式汽水饮料。首先试咗呢个海鲜拼盘先！有鲍鱼、虾、生蚝、帆立贝、甲罗烧。虽然呢度主打日本和牛，但海鲜都出奇地好味新鲜～鲍鱼新鲜弹牙，烟韧鲜甜，一啲都唔会韧扇贝有奶油嘅调味，口感弹牙新鲜虾嘅质感虽然有少少少少霉，但系胜在有虾嘅甜味，烧完个味道唔错。甲罗烧味道浓郁，带有甜味，口感非常Creamy 但生蚝系令人失望嘅，本身以为有得任烧生蚝好正，但系生蚝系令人失望嘅。因为太重腥味，所以我食咗一两只就冇再叫lu而家到今日嘅主角--- 日本和牛！