稻香 (新都城中心) (已結業)

稻香夜晚8:30就会开始任食火锅，$138一位。睇佢既poster都几吸引，海鲜又有海虾、有广岛蚝、又话有蚬。睇落都觉得抵食！好快就拎到位啦，佢晚市火锅唔算多人食可能因为系星期二，我哋三个大人一个BB佢都比到张六人枱我哋。拣完汤底就出去自助bar拎嘢饮加配料同埋拎菜。佢嘅饮有劲多选择啤酒汽水豆浆仲有热嘅维他奶。自己任拎出前一丁同埋乌冬。除咗依两样佢喺蔬菜𠮶度仲有粉丝同埋薯粉。佢仲有糖水可以自己拎黎饮。又有一啲小食。总括嚟讲嘢食选择都算好多，服务就一般啦一般酒楼水准。