大將 (已結業)

今日同朋友过开嚟旺角T.O.P.行街，就谂起可以去底层大将打边炉。 餐厅有90分钟／120分钟可以选择，我哋拣咗120分钟可以慢慢食，今次点咗个澳洲和牛牛小排•严选和牛胸腹肉。最钟意呢度系一人一锅，大家都可以拣自己钟意嘅汤底，朋友拣咗个人气之选嘅花生沙嗲汤，我拣咗个鸡白汤，店员话咁快已经送上。 店员首先送上澳洲和牛牛小排🐮、生蚝同鲍鱼。啲牛肉嘅雪花纹都好靓，牛味浓郁，质素相当唔错。 客人仲可以透过QR code落单，除咗牛之外，都仲有啲猪、牛、羊、海鲜可以选择，有日本带子、大八爪鱼、沙白、虾滑、水鱿、花胶、大蟹棒、杭州黑鱼片等。 出面自助吧有多种蔬菜、丸类🍡、炸物、拌菜可以自取。仲有关东煮添呀。 自制窝夫一定要试下🧇，不过我都整左2次先成功🙈佢个牌上面写等90秒，我建议可以整耐少少，先整到外脆内软嘅感觉，佢啲蛋浆好香，之后又可以加配料同雪糕添。雪糕有朱古力味、云尼拿味，又或者两沟都可以。 仲有部粒粒刨冰机可以玩下，整完好似棉棉冰咁一丝丝好幼细，又可以加啲toppings去调味，仲有啲珍珠同爆珠可以加埋落去，整一杯自己钟意嘅刨冰😍 仲有啲手工小甜品，有Tiramisu 、泡芙、牛乳布甸。