日日涮 (已結業)

估唔到美孚广场都有任食火窝的餐厅！餐厅面积都好几大，座位宽趟舒服，唔会好逼狭。我同朋友叫做美国牛小排套餐，汤底有成6款可以拣，其中包括：昆布、猪骨、寿喜烧、麻辣、豆乳、蕃茄等。我地就点左蕃茄同麻辣汤。好快店员就为我地送上汤底，四川麻辣的辣度适中不会太辣，而蕃茄较为清甜。我地的升级套餐会有海鲜拼盘！而且加多50蚊仲可以任点日式食物、同刺生。感觉就系食紧加高质打边炉。海鲜拼盘的海鲜包括：龙虾、蛏子、扇贝、青口、鲍鱼、奄仔蟹同蚝。其中龙虾同奄仔蟹的蟹膏虾膏都非常多！！龙虾肉结实弹牙，啖啖都系肉。而贝类的蛏子、扇贝则非常大只鲜甜。鲍鱼生猛新鲜，口感软霖又有口感。净系呢个海鲜拼盘都已经值回票价。美国牛小排肉质松软，而且油脂平均，不会太肥腻！质素不错呀而已肉味也够浓除左食物之外，餐厅仲有好多饮料，甜品同雪糕等都系任食的。饮料柜连啤酒、韩式饮品、同枝装饮品等全部都系任饮！真系包食到饱一鲍先走。