回到味來 (已結業)

以前都已经食过呢间打边炉，而家佢转左任食，款式好似多咗咁。我哋嚟到就首先叫左串烧先，因为除咗打边炉佢哋仲有唔同嘅串烧任食，串烧有海鲜，有肉串。海鲜有烧蚝、蚬、扇贝、带子，最钟意食烧蚬及扇贝。面上充满蒜蓉，几香。另外叫咗烧韭菜、鸡翼、贡丸、鱼蛋、墨鱼丸、鸡软骨、墨鱼咀等等，其实佢仲有好多唔同嘅串烧可以选择。火锅我哋叫咗卜卜蚬煲，成个煲都系蚬，之后就会换个汤底俾你打边炉。牛颈脊几好食牛味几香，而且好适合打边炉，最钟意就系食牛。出面仲有好多唔同嘅配料，有丸类、蔬菜类、豆腐等等。任食算不错。