潮州鹵漢大飯店 (已結業)

自己对任食火锅一向无咩好感，不过呢间潮式任食火锅改变左我少少睇法，环境同食材都好好。潮州卤汉大饭店以红色为主调，无论墙身、家私同天花一律红色。环境都好宽躺，而且好干净，完全唔似平时任食火锅餐厅既环境🤩我地试B餐，由于7点前入座，价钱只系$238。套餐包括手摇海鲜袋同任食火锅。- 手摇海鲜袋职员等我地打卡之后先帮我地将海鲜同酱汁捞埋。入面海鲜包括鲍鱼、龙虾、带子、东风螺同蚬、海鲜大部份都高质素，龙虾肉质就比较鞋，但沾上蒜蓉酱就变得惹味。东风螺同蚬既数量好惊人，食极都仲有🤣。配料仲有莴荀、栗米同金菇。食完海鲜袋就可以打边炉，汤底有六款，我地㨂左潮仙沙茶锅，味道唔算太咸几适合香港人口味。食物质素对比其他任食火锅更加出色，估唔到有几款食材唔驶加钱都系可以任食，包括爽口虾滑、响铃、潮州牛肉。所有食材都新鲜干净👍🏻套餐可以任食特式小食，其中香芋地瓜球同潮式反沙芋最令人印象深刻。虽然地瓜球唔算热辣辣，但外脆内软，味道香甜。另外仲有卤水五花腩同咖喱牛筋。由海鲜袋、火锅到特式小食，所有食物都几好味，自己又坐得舒服，以后朋友gathering话食火锅，我应该唔会再抗拒🤣