八幡屋涮涮鍋

营业中

休息中

同朋友聚会，食放题最好不过，任饮任食两个钟，不停饮不停食都唔会觉得肉赤，今晚黎到旺角 八幡屋涮涮锅 ，有两个餐都好吸引🤔，C3买一送一，D4餐全日半价🤔，朋友话紧系食好啲，所以选择左D4😆。好正🤗🤗🤗餐厅地方四正，全卡座坐，坐得好舒适，自助区酱料、前菜、火锅配料、甜品、热食、饮品一应俱全，摆放干净整洁。🦞波士顿龙虾开边好大只，肉质爽弹，用些小柠檬汁更加钓出鲜味。Scan 下QR code order食物，呢度贴心位，刺身都有好多选择，三文鱼、剑鱼、鲷鱼、吞拿、赤贝、赤虾…. 岩晒钟意食刺身嘅我，而且刺身非常新鲜，尤其三文鱼腩，非常肥美，刺身满足左我头轮嘅战斗力😆。M5澳洲和牛肩肉、美国顶级牛肩肉眼，呢两款系今晚锁定不停refill之选，入口有牛香，有咬口。海鲜方面，生蚝🦪，扇贝、大虾都非常新鲜，而且可以不停refill ，满足我朋友呢个海鲜大胃王。