黃金廚房

营业中

休息中

估唔到深水埗都有咁好味嘅火锅放题，蒸气火锅够晒特色，唔会太热气，仲有粥底食添！佢包括咗日式刺身拼盘、海鲜拼盘(一次性)、粥底，然后仲有好多其他嘢都系任食嘅。🌊🐟🦐想特别一讲就系个海鲜拼盘，活鲍鱼够晒大只；美国桶蚝就算熟咗都仍然保持咁大只唔会缩水，可见系真材实料；元贝有蒜蓉粉丝腌制过非常入味；活海虾上碟嘅时候仲系识喐嘅，熟咗之后都仍然保持鲜味，个壳唔会散晒或者支竹签甩咗。🐷跟住仲试咗佢嘅极品黑豚肉。放喺个蒸气锅度蒸熟佢别有一番风味，而啲肉亦都好入味。⭐最后粥底真系暖暖窝心，南瓜排骨粥，加埋海鲜、黑豚肉落去食，好有味道！