樸生 (已結業)

任食火锅炸鸡自助餐！青衣城新餐厅！我估应该都开左几个月，一直都无物为意，今日见到就同屋企人黎试下啦！二百蚊到可以任食火锅、炸鸡同其他熟食、甜品。价钱唔算好贵。鸡肉、黑毛猪同肥牛都可以任叫的。今轮肥牛肥左少少，鸡同猪都几新鲜同嫩滑。因为我地人多。所以拣左两个锅，人参鸡同海鲜部队锅。只鸡都唔细，入面有米饭，有淡淡既人参味。海鲜部队锅有虾、青口同蚬等。其中一格系芝士锅，有芝士味望个样都觉得几补。蔬菜同丸类可以自行系出面夹，有娃娃菜、翠肉瓜、粟米、菠菜丸、芝士肠、木耳等。名符其实既部队锅！除左部队锅，仲有可以自由配搭既石头锅饭。有粟米粒、泡菜、牛肉、鸡肉、温泉蛋等。材料几多，可以拣自己钟意既，多少自己决定！可以剩食配菜唔放石锅，就甘食都得。亦可以放石锅，用火锅个电磁炉整热，几分钟就食到滋滋声既石全锅饭啦！自助区仲有唔同既熟食，等紧火锅既时候食最岩！海鲜饼最好味！材料好多，又有虾，煎到脆脆的！甜品有仙草、红豆抹茶蛋糕同朱古力喷泉等！抹茶蛋糕好浓，好香抹茶味，配甜甜地既红豆好味！仲有自助棉花糖机整体上唔错！推！