HIPOT (已結業)

今日一行5人唔知食乜好，见好耐冇吃火锅就上openrice睇睇有乜好食。见到呢间嘢任食百零蚊，就打去订位。七点半准时到，点知要到八点几先有位。先讲下个环境，地方算大，我哋张枱啱啱喺放食物旁边，即刻睇下有乜吃。原来肉类要写纸仔，叫咗美国肥牛，黑豚肉片同五花腩片，仲有海鲜同鱼生。出去先攞啲酱同汤底，都ok多选择。到食物，可以自己攞嘅有菜，面，丸，鸡肉，同饮品。第一转攞咗好多嘢。啲菜睇上去都几干净。好，坐低咗15分钟之前叫嘅肉只嚟咗一碟牛肉，肉质ok但冇肉味。之后on and off出去攞菜同啲支竹，豆腐。都未见其他肉出现过。再入单又唔嚟。叫人催又冇用。食咗个几钟就系食可以自己椤嘅嘢。点知到大家都有八分饱之制。侍应小姐一嚟十几碟肉。唉，原本谂住佢唔嚟所以食多啲其他嘢，到最后浪费咗唔小食物。简单啲讲，呢间餐厅嘅食物ok，不过人手分配真系要做好啲。