麻痺雞 (已結業)

年尾就系日日聚旧的好时机，话时话，我已经唔知几时开始晚晚约左人食饭，对上一餐住家饭系几时？近太和呢间任食鸡煲，做左好几年啦，区内略有名气，旧朋友要食鸡煲，今晚就拣呢间啦！老老实实，今次都算系我第二次真正食鸡煲。真系讲出黎都惊俾人笑平日夜晚都爆场，信心保证。店内平实装修，仲有几台可坐街边。见老板同客人有讲有笑，气氛好好！超地道！虽然小妹唔食辣，但呢度叫得做麻痺鸡，紧系要试招牌痳痺鸡煲啦！鸡味浓，肉质够滑，份量仲要唔少！煲内的配菜，洋葱呀，芫茜将鸡嘅鲜味带晒出黎！洋葱又爽又甜！食完个鸡煲就点左些少火锅配料， 肥牛质素唔错，有雪花纹！其余丸类质素都好高！粟米超甜，菜好新鲜！野饮都系任饮！呢个价钱有咁好嘅质素真系超晒班！难怪做左咁耐都大受欢迎！