影片
更多
2020-03-17
54 浏览
系旺角觅食，上网睇下有咩食就见到呢间餐厅有好吸引既炸鸡放题！自己系炸鸡控再加上好耐无食韩国野，一见到就决定试下呢间韩国餐厅。佢有两款放题可以拣，一款系120分钟任食拉丝芝士鸡同90分钟任食炸鸡，两个价钱都差唔多唔系好贵。我地最后叫左个90分钟炸鸡同几款韩食。首先上左热人参鸡汤，佢每张台都有个炉，一大煲鸡汤放上炉到煲滚劲吸引，汤入面有两大旧鸡肉，饮落去好暖好舒服，汤唔会太咸清清地鸡汤味，甜甜地忍唔住一碗又一碗甘饮，最钟意佢入面有d糯米软软地同个汤好夹同埋索晒d汤味。另外汤入面既两大旧鸡本身以为落去煲汤应该好“孩”， 点知鸡肉完全唔孩连埋鸡皮食好食。之后就上左芝士拉丝猪手，猪手分量劲多芝士热辣辣围住晒所有猪手，店员细心甘提醒我地要趁热捞黎食，佢d芝士真系好拉丝，好厚一条芝士拉到劲长都未断，包住猪手一啖食落去劲满足。猪手一块块好淋好香口，配埋芝士好邪恶但成个口感有肉香加埋芝士咸咸地口感好满足。之后上左芝士紫菜蛋卷， 上面铺住番茄酱好吸引，一样系有拉丝既芝士，觉得个蛋卷真系好特别，食过好多款蛋卷但未食过入面包紫菜同芝士，估唔到原来好夹，出面外层蛋同紫菜一咬就短但入面既芝士令成个口感好有层次，成
张贴
