尚八日式燒肉店 (已結業)

香港有唔少日式烧肉专门店，呢间主打两小时任饮任食烧肉放题，有多款前菜、炸物、猪牛鸡、海鲜、串烧同饮品，值得一赞系呢度嘅服务态度，店员会细心教导客人点烧，而且环境够阔，坐落舒适，通风系统都好好，整体感觉唔错。前菜款色众多，逐份叫唔怕浪费，主要用QR code落单，自助区都有几款可以自由搭配。炸物同串烧新鲜热辣辣，金黄酥脆，食落完全唔油腻，私心推介软骨饺子、吉列鹌鹑蛋串、海苔多春鱼、唐扬紫心香芋丸同免治鸡肉串。肉类同样有好多选择，估唔到仲可以拣口味（盐烧、烧汁、果味、柚子胡椒、辣味）同厚度（薄切、厚切），十分贴心。贪得意加咗个和牛试吓，果然有料到，入口即化，牛味香浓，可以一试。虽然呢度主打牛肉，但系海鲜都唔输蚀，特别推荐佢哋嘅海虾，大大只，爽口弹牙，鲜甜美味。仲有鱿鱼筒、鲭鱼、广岛蚝、帆立贝同清酒煮蚬，记得要落埋香草牛油落去烧，虽然好邪恶，但真系会令到整体味道升华咗去另一个层次！如果唔够饱嘅都可以叫埋佢哋嘅饭同乌冬，总共有成八款选择。最后当然唔少得以甜品作结，有自家制牛乳冻、Bulla雪条或Victoria雪糕。饮品方面相对比较少，都系汽水同茶为主，亦可以加钱要酒精类，出边嘅面豉汤都唔错，