影片
更多
2024-06-16
1637 浏览
之前去过中环The Murray美利酒店呢个打卡胜地影下相📸一直都想试吓呢度嘅餐厅，今次终于有机会😛Garden Lounge而家推出性价比超高嘅半自助晚餐，除咗中西式主菜，3.5小时可以任食生蚝、龙虾、蟹脚等冻海鲜、烧烤、热荤、冷盘、甜品、雪糕，选择极丰富，媲美自助餐🥰当中冻海鲜以及中式烧烤质素都几高，好快就回到本🤑半自助晚餐原价$798，而家系18／6前于openrice订座并预付，可享买一送一配任饮美酒优惠，包埋服务费，只需$575.3一位，比原价平50%🙀痴线呢个价钱食到咁多高质美食，超级抵🤑🤑可订座时段去到30／6，记得预早book，因为weekday都好爆场🔥🦪生蚝、冰镇海鲜、刺身普遍质素都唔错👍🏻生蚝冇写产地，但系有海水味，质感较爽，够新鲜😋海鲜有细细只嘅龙虾，肉质都几鲜甜，有唔少膏😋蟹脚海水味突出，都值得食👏🏻另外仲有螯虾、蚬、超大只嘅翡翠螺、虾、弹牙嘅冰镇鲍鱼等。刺身有3款。🧀火腿、芝士、面包、沙律有3款火腿、4款芝士，都系高质货式👍🏻可以配面包、饼干、番茄干等配料。芝士有软滑嘅brie cheese、富奶香嘅Gruyere cheese，都系其他地方少见😎🍖烤肉、中
半自助晚餐原价$798，而家系18／6前于openrice订座并预付，可享买一送一配任饮美酒优惠，包埋服务费，只需$575.3一位，比原价平50%🙀痴线呢个价钱食到咁多高质美食，超级抵🤑🤑可订座时段去到30／6，记得预早book，因为weekday都好爆场🔥
🦪生蚝、冰镇海鲜、刺身
普遍质素都唔错👍🏻生蚝冇写产地，但系有海水味，质感较爽，够新鲜😋海鲜有细细只嘅龙虾，肉质都几鲜甜，有唔少膏😋蟹脚海水味突出，都值得食👏🏻另外仲有螯虾、蚬、超大只嘅翡翠螺、虾、弹牙嘅冰镇鲍鱼等。刺身有3款。
🧀火腿、芝士、面包、沙律
有3款火腿、4款芝士，都系高质货式👍🏻可以配面包、饼干、番茄干等配料。芝士有软滑嘅brie cheese、富奶香嘅Gruyere cheese，都系其他地方少见😎
🍖烤肉、中式烧烤、热荤、龙虾汤
烧烤区有威灵顿三文鱼、烤杂菜、烧腩仔、烤鸭、猪鞍扒。威灵顿三文鱼绝对系心机菜🫶🏻三文鱼肉夹杂黑松露酱以及菠菜忌廉，不过酱汁可以再多少少。烧腩仔都几出色😋肥瘦相间，个皮够晒脆。另外仲有几款热荤，好似海鲜炒饭、咖喱蚬、龙虾汤。龙虾汤好饮😋质地好creamy，龙虾味香浓。
主菜
🦞烤波士顿龙虾
另加$128可以升级主菜做龙虾。原只龙虾超大只🤩本身已起肉，食起上嚟好方便。龙虾好爽弹，铺满芝士菠菜，惹味之余唔会完全抢走龙虾鲜味😚
🥩烤西冷牛扒、松露薯蓉、法边豆、黑松露和牛肉汁
牛扒烤得几靓，肉质粉嫩，不过唔够软腍。
🥟菠菜意大利云吞
酱汁除咗番茄酱，仲带有几香嘅香茅味，食落无咁腻😛
🍰甜品、雪糕
甜品区劲吸引😍每款都好精致好靓，有奶冻、栗子蛋糕、菠萝青柠蛋糕、朱古力蛋糕、开心果红莓蛋糕、凤梨酥、葡挞、蝴蝶酥等。推荐酸甜清新嘅菠萝青柠蛋糕✅食到彷如榛子香味嘅朱古力蛋糕✅以及蝴蝶酥✅另一边有Movenpick雪糕🍨可以自己加果酱、朱古力碎等一齐食。
🥂饮品
有free flow红白酒、气泡酒、啤酒、汽水、果汁等，实行饮饱食醉🤪
人均消费：$580
推介指数（10分为满分）：8分
张贴
