Starry Night (已結業)

星期日同老公去铜锣湾Starry Night任食生蚝，之后返屋企睇世界杯决赛。除左生蚝任食之外，仲包左三款头盘: 黑糖面包、烟三文鱼、餐汤。黑糖面包几软熟，烟三文鱼好肥美，蘑菇忌廉汤正常发挥。首先会送上生蚝拼盘，有10只生蚝、4只虾、4只螺。今日提供既系日本生蚝，即场开壳，所以相当新鲜，只只都好大只。虾同螺绝不逊色，都好鲜甜。Encore左一次，好满足。主菜拣左美国西冷牛扒同纽西兰羊架，都系五成熟。美国西冷牛扒肉质软腍，仲有薯菜伴碟。羊架带少少膻味，都够腍。