Top Blade Steak Lab (希慎道)

营业中

休息中

👍🏼抵食指数：⭐️⭐️⭐️⭐️😋好食程度：⭐️⭐️⭐️之前朋友介绍过呢间扒房，因为佢嘅薯条系无限添加，已经觉得好新奇，香港好少有呢类扒房可以任黑松露薯条，而且价钱唔算贵，性价比极高。而呢间 Top Blade Steak Lab 位于唔算好多人嘅布慎道，大家经常去cwb 揾食嘅一啲都唔陌生。限时推介 #酸洋葱平铁牛扒五成熟嘅 #牛扒，（夹埋 #薯条 ）份量够一人食，块扒都几厚身，咬落下都几嫩，而且明显有锁住肉汁，味道同口感唔错，亦无太过熟，但唔算系好高质嘅肉扒，呢个价钱算系咁。个 #烤蒜头 好好食，味道好出，夹埋牛扒一同进食，口感一流！反而佢配上酸洋葱就有少少唔太夹，可能我唔太好食酸洋葱，感觉有嘅怪怪地。 #牛肉汁扁意粉
反而个扁意粉有少少失色，意粉煮得有啲生，咬落口就有啲硬，个牛肉汁就不过不失，唔算好出众，普通牛肉汁嘅味道。所以建议都系食返牛扒会好啲。佢嘅薯条系值得一赞，好脆口，而且侍应时不时都会问食客需唔需要添加。任食薯条确实系佢嘅一大卖点，性价比都尚算高。