影片
更多
2023-01-28
2899 浏览
全店独沽一味，单靠一款牛扒套餐走天涯。平时$398包沙律、牛扒、任食薯条，依家逢星期一二黎到仲有冬日限定𝙋𝙇𝘼𝙏𝙀𝘿 𝙈𝙚𝙣𝙪！价钱不变但就包埋甜品估唔到平日黎到都满座！中环分店 灯光昏暗，极之有气氛。当日就有唔少人黎庆祝生日，几个staff会围埋一齐唱生日歌 好不尴尬呢 (tbh 中环分店整体质素好过尖沙咀分店)Plated Menu做到2月7号咋！🍴Betsy’s Sweet Winter 甜蜜冬日 $398🥖法包配牛油🥗有机合桃沙律沙律新鲜爽口无苦涩味，酱汁咸咸酸酸，开胃唔寡~🥩招牌美国USDA Prime 10安士顶级肉眼牛扒配特制酱汁肉眼扒嗌左medium rare，呈粉嫩嘅红色好靓仔呢！肉质软腍多汁，肥膏位入口即化，更带焦香油香，唯独牛味唔算好重。扒下面仲有个蜡烛仔热住，等大家可以慢慢食唔怕冻，不过就要小心碟中间嘅牛会越摆越熟，嗌medium就最后拨啲牛去一边啦~🍟无限量供应金黄脆炸薯条相信有唔少人同我一样钟意佢地嘅薯条多过牛扒~ 用上牛脂肪炸成嘅薯条 相当金黄香脆，唔蘸酱都已经好够味！不过我就强烈建议大家蘸埋佢自家制嘅steak sauce，味道同Bearnaise sa
估唔到平日黎到都满座！中环分店 灯光昏暗，极之有气氛。当日就有唔少人黎庆祝生日，几个staff会围埋一齐唱生日歌 好不尴尬呢 (tbh 中环分店整体质素好过尖沙咀分店)
Plated Menu做到2月7号咋！
🍴Betsy’s Sweet Winter 甜蜜冬日 $398
🥖法包配牛油
🥗有机合桃沙律
沙律新鲜爽口无苦涩味，酱汁咸咸酸酸，开胃唔寡~
🥩招牌美国USDA Prime 10安士顶级肉眼牛扒配特制酱汁
肉眼扒嗌左medium rare，呈粉嫩嘅红色好靓仔呢！肉质软腍多汁，肥膏位入口即化，更带焦香油香，唯独牛味唔算好重。
扒下面仲有个蜡烛仔热住，等大家可以慢慢食唔怕冻，不过就要小心碟中间嘅牛会越摆越熟，嗌medium就最后拨啲牛去一边啦~
🍟无限量供应金黄脆炸薯条
相信有唔少人同我一样钟意佢地嘅薯条多过牛扒~ 用上牛脂肪炸成嘅薯条 相当金黄香脆，唔蘸酱都已经好够味！不过我就强烈建议大家蘸埋佢自家制嘅steak sauce，味道同Bearnaise sauce有几份相似，绝对会上瘾！一见到大家只碟就黎空，staff就会好主动咁问你洗唔洗refill。盛情难却，呀妹竟然refill左三次，仲要每次都装到好满同埋每次都系热辣辣架
🍫黑朱古力费南雪配焦糖淡忌廉
蛋糕外层微脆带焦香，质感湿润绵密，朱古力味唔算好浓，胜在唔会太甜，仲有啲杏仁碎增添口感香气。
🍷La Vache! House Red +$68
张贴
