鉄人大盛 (已結業)

如果喜欢鉄板烧又喜欢食刺身放题，这里相信系一个绝佳地方，一个价钱$328有齐多重享受，系一个挑战味觉嘅好地方！位置够晒方便，行入去就见到大大个招牌，沿扶手电梯落去餐厅，地方十分阔落，而今晚就系座在鉄板前，望望点餐纸，主要是鉄板烧同日式放题两大类，全部都可以点，唯独鉄板落单后，鉄板烧师傅会在你面前即刻在鉄板上煎，够晒新鲜！最强烈推介就系鉄板烧嘅系列，因为师傅即场在你面前煮之余，还会因应食客嘅节奏调节将最佳嘅食物送到客人面前，个汁烧一口牛，煎得软熟嫩滑，入口充满肉汁，泰式鸡扒亦煎得皮脆肉嫩，配埋个泰式酱汁十分好味，另外个豚肉山姜烧，豚肉充满姜汁味道够晒特别，入口软熟正！而手工精致嘅葱花牛肉，师傅用纯熟嘅手势两三吓就将香葱用牛肉卷成，入口都软熟香滑！当然日式放题都唔可以忽视，大大份嘅刺身拼盘放满了超新鲜嘅刺身，有三文鱼、吞拿鱼、油甘鱼、𫠒红鱼、甜虾、带子等样样嘅刺身味道十分新鲜，而另一个必食就系个烧鳗鱼，见到就真系4,5件咁点，烧得十分肥美，都真系吃了差不多成条鳗鱼！如果喜欢任食放题又喜欢鉄板烧，这里真系不二之选，最后估不到还有任食H 字头雪糕，口味还不止一款，整晚都好忙咁食，完全系大满足！