金凱小廚 (已結業)

今日去到大围食呢间鸡煲，打边炉！舖头门口已经有个巴士站，所以非常之方便。地方亦非常阔落有圆枱有卡位！去到店员已经非常友善，一坐底就问你鸡煲要咩辣，会唔会有嘢唔食！落左单好快就会上！而且呢间非常之特别，套餐会包每人三串串烧，有菜有肉应有尽有！估唔到呢间嘅串烧咁好味，孜然粉唔会太重，但热辣辣咁上碟烤得啱啱好！我哋叫咗菠萝，娃娃菜，牛舌，牛柳粒，翠玉瓜等等！每个都好好味呀！比佢地抢哂主角风头😂仲要呢度嘅饮品包埋啤酒气水等等，真系岩哂一班朋友黎！鸡煲方面，鸡非常之嫩滑，唔会有阵雪藏味！而且打边炉仲可以拣唔同嘅汤底，好似蕃茄味，麻辣味，花胶等等！安格斯牛肉仲可以任食，仲有虾🤭我既最爱！边炉料都好新鲜，选择唔算好多但简而精，基本上都有晒！