醉翁亭火鍋館 (已結業)

食火锅最重要系D材料够新鲜，其次就系环境要舒适，抽风设备好，先至食得尽兴！今日就去咗官塘鳄鱼恤中心三楼呢间醉翁亭海鲜火锅酒家，因为订咗位，好快安排入座，店员亦好有礼招待同耐心介绍下食材！呢度坐位好寛敞，卡位仲有大菇辰靠背，枱与枱之间又距离较远，坐得好舒服！呢度主打任食火锅，平日$298一位，包饮品，冇时限，任点任食（指定项目食材）另有五款指定一次供应食材，包括有海鲜拼盘（有大虾，元贝，蛏子，龙趸片，蟮片，青口）！非常新鲜！海鲜本来就有鲜甜原味，醮些酱油调味，更加提振食欲！大大碟美国顶级牛肩肉卖相震撼，这是两人份量，但已经好大碟！灼分零钟食得，这牛肉刀工一流，薄切双飞，肥瘦分布平均，所以好易灼熟，而且好有牛味，不容错过！日式刺身，有北寄贝，三文鱼腩，鱿鱼， 希灵鱼，都系好新鲜！大大件冬茹烩花胶，名贵嘢㖞，香腍輭滑，好有口感，净食呢碟已经唔会蚀底啦！大大只水饺皇，里面饀料主要用大虾仁配以木耳丝，猪肉等饀料，又系好新鲜，！食完呢五款指定食材，再自选一些豆腐，青菜，已经好足够！不得了，仲有糖水雪糕！我投降啦！其间店员的热诚招待，主动换碟，茶水无缺，值得一赞！