九重鮮 (已結業)

韩式放题就食得多今次终于试吓韩式嘅层层海鲜，顾名思义呢度就系食蒸气锅嘅地方，好耐之前都系呢度食过不过𠮶阵就冇任食依家餐厅真系好抵出咗个任食。首先会上咗啲炸鸡，煎饼等等跟住出边有好多唔同食物可以拎。例如定时定候会有酱油鲍鱼，虾等等。跟住亦都会有啲苦瓜芽菜，等等唔同嘅蔬菜沙律。然后总会有啲火龙果或者系其他唔同款式嘅生果等等。最重要佢有我最钟意嘅年糕同埋鱼糕，仲要可以任食。而且出边仲有芝士蛋糕等等嘅甜品另外每一层都有佢嘅惊喜，例如鲍鱼，龙虾龙趸，虾，蚬，扇贝等等。所有海鲜都非常新鲜而且系份量啱啱好食到个人都包住走。除咗有海鲜之外佢都会有少少蔬菜而且唔会太多啱晒出边又有咁多放题而且又有得食海鲜。九层塔佢冇用太多嘅调味料所以可以保持到海鲜嘅鲜味，而且我最爱食就系佢嘅龙虾因为非常新鲜之余又有啲膏。韩国嘢来讲呢度真系唔错有得任食而且仲有得食海鲜每人都系300左右。仲有劲多款饮品可以选择。