高麗軒韓國料理 (已結業)

呢几年食亲韩烧都会去散叫讲啲，成日觉得会比任食好味啲，不过今次好少有咁同一大班FD去左食任食韩烧，发觉啲野食质素都啊错架Wor！基本上呢到猪牛鸡都有任食，而且仲有唔同部位拣，加多$38就可以食再好啲既肉同海鲜，Total都系一人200令蚊，所以我地都加左。 另外除左肉类，佢原本都包左好多韩国菜系任食既好似炒年糕、各类石锅咁，都几抵。一如既往既韩国菜，呢到都有6碟小菜，味道都唔错，特别系佢既泡菜同埋菠菜，我地无限添加左好多次。个日我地一共6人，叫既野食真系多到影唔晒，不过最值得推介既一定系熊本霜降和牛同埋肉眼扒，熊本霜降和牛真系有入口即溶既感觉，而肉眼扒都好嫩一啲都唔韧。另外如果钟意食羊肉既我都推介呢到既羊，佢都好嫩不过就有少少So味，睇你本身钟唔钟意喇！至于韩烧必食既五花腩就不过不失啦！ 而呢到既海鲜拼盘呢都唔差， 佢既蚬同扇贝都好好味。除左烧肉，我地都叫左个人参鸡汤，佢清清地都几好饮，最紧要系佢又真系有几重既人参鸡汤味。 我地仲有叫左个海鲜煎饼做小食，不过呢个煎饼唔够脆，所以只系还可以！