蚊蚊豬老火鍋 (已結業)

知道蚊蚊猪老火锅开左分店，太子店食过几次，开分店当然要一战啦！不过深水埗分店同太子唔同，除咗四川烤鱼同四川鸡煲之外，每枱包一盘海鲜拼盘，冬天仲有期间限定嘅羊腩煲，牛肉方面就多咗牛板腱、封门柳、刺身、雪糕、饮品都系任饮任食！今次就拣咗香辣四川烤鱼，条鱼全部都系大骨，非常容易食。个汤又好够辣，连埋个鱼食就完美啦！之后加汤打边炉或者系再另叫一个汤底都得！ 牛板腱同封门柳都好有牛肉味，轻轻烫一阵就食得，好嫩滑，忍唔住一片接一片。另外每枱都会送海鲜拼盘，有鲍鱼、虾、青口同鳝，每样都好新鲜，可惜冇得一点再点啦～部分火锅料系出面自己拎，有啲就用QR CODE嗌，款式都有好多种。其中个响铃好唔错，真系即炸，再干身啲就更好啦！