影片
更多
2022-10-15
141 浏览
上网见咁多人介绍啲间任食A5和牛，今日终于可以一试啦！我哋book左12:30早场，谂住一开门帮衬佢嘅食材会系最充足同最新鲜。间店其实非常细，只有十几张枱，好快就full左了，好在预早book定同早来。可惜佢已经冇果个豆乳玫瑰拉丝芝士锅，不过唔紧要都仲有台湾麻辣火山锅，都系打卡必备！台湾麻辣火山锅 👍🏻👍🏻👍🏻👍🏻👍🏻唔太辣，用冬瓜肉做火山再铺满A5和牛，然后加上麻辣汤底，够晒gimmick！麻辣汤底比想像中好，唔算辣易入口，之后冬瓜淋左入晒味都好好食。海鲜拼盘👍🏻👍🏻👍🏻👍🏻有海虾同北海道大元贝（可惜冇牡蛎🦪😩），元贝大大只而且够新鲜，先淋上玫瑰酒再点火，之后冚盖焗10分钟，开盖一阵香喷喷嘅味道，非常好味🤤A5 黑毛和牛 👍🏻👍🏻👍🏻👍🏻👍🏻和牛其实睇个样都知靓唔靓，唔洗多讲自己睇图😈。出面食一碟A5和牛几块薄片都起码过百蚊，我哋总共叫左12碟，净系食牛都已经回本有突，好难想像佢可以点样控制到成本，唔通自家牧场真系差咁远？今日有提供7款牛，推荐嘅次序：牛小排>特上霜降小排>上肩胛肉>肩胛梅花>牛前胸>千本筋>牛颈脊佢仲有好多唔同款式嘅火
间店其实非常细，只有十几张枱，好快就full左了，好在预早book定同早来。可惜佢已经冇果个豆乳玫瑰拉丝芝士锅，不过唔紧要都仲有台湾麻辣火山锅，都系打卡必备！
台湾麻辣火山锅
6 浏览
0 赞好
0 留言
台湾麻辣火山锅 👍🏻👍🏻👍🏻👍🏻👍🏻
唔太辣，用冬瓜肉做火山再铺满A5和牛，然后加上麻辣汤底，够晒gimmick！麻辣汤底比想像中好，唔算辣易入口，之后冬瓜淋左入晒味都好好食。
海鲜拼盘
3 浏览
0 赞好
0 留言
海鲜拼盘👍🏻👍🏻👍🏻👍🏻
有海虾同北海道大元贝（可惜冇牡蛎🦪😩），元贝大大只而且够新鲜，先淋上玫瑰酒再点火，之后冚盖焗10分钟，开盖一阵香喷喷嘅味道，非常好味🤤
A5 黑毛和牛
3 浏览
0 赞好
0 留言
A5 黑毛和牛 👍🏻👍🏻👍🏻👍🏻👍🏻
和牛其实睇个样都知靓唔靓，唔洗多讲自己睇图😈。出面食一碟A5和牛几块薄片都起码过百蚊，我哋总共叫左12碟，净系食牛都已经回本有突，好难想像佢可以点样控制到成本，唔通自家牧场真系差咁远？
今日有提供7款牛，推荐嘅次序：牛小排>特上霜降小排>上肩胛肉>肩胛梅花>牛前胸>千本筋>牛颈脊
佢仲有好多唔同款式嘅火锅配料同小食，我就唔再详细介绍了，必食嘅就一定要试佢手打虾滑/墨鱼滑
手打金钻太极虾滑
2 浏览
0 赞好
0 留言
黑桦牧场精选层架
1 浏览
0 赞好
0 留言
见网上食评都好两极化，我大概都明白固中原因。更好嘅产品，都需要其他配套设施去配合，我觉得啲间店绝对有好大好大嘅进步空间。先讲优点：
- A5黑毛和牛绝对系高质，厚薄适中，卖相得体，解冻都做得啱啱好，唔会太冰亦唔会变血水
- 火锅汤底够噱头，打卡得黎既实际又好味
- 有多款火锅配料和小食选择，而且有质素
- 虽然限时2小时，但如果冇客佢唔会赶你走（我哋最后食左3小时有多🤓）
- 员工有礼貌
好可惜缺点都有劲多，而主要都系经营上嘅问题，导致有咁多劣评，希望店主可以尽早改善：
- 货源供应不稳定。有好多食材都系冇供应，比较严重嘅有牡蛎、玉子后腰肉、豆乳玫瑰拉丝芝士锅，啲啲都算系主打嘅食材，放题店未能供应系有不妥，而且最大问题系佢唔会同你讲…其次嘅有响铃、猪皮、沙冰、奶茶，都系冇供应。
- 员工甩漏严重，正常一开始会来一round A5和牛各款一碟，仲有个雀笼拼盘，但员工竟然系可以skip左，去到其中一个员工见我哋食完海洋拼盘，得番个锅张枱空空如也嘅时候，先问我哋有冇点食物，才发现原来忘记左上头盘。
- 部分食材已变坏。当我哋叫佢补番个雀笼，佢就立即补番比我哋，但发现果六粒丸系已变坏，肉丸有酸味，虾/墨鱼丸肉质已变霉开始有臭海鲜味，相信系在室温环境已放左一段长时间。
- 我哋被安排坐在2人面壁位，冷气唔够，食到出晒汗
总结：高质A5黑毛和牛任食，又有gimmick嘅火锅，$450 有找去边度揾。如果系牛魔王会十分十分满足。如果改善一下经营模式，应该可以客似云来。
食物：❇️❇️❇️❇️❇️
环境：❇️❇️❇️
服务：❇️❇️
价钱：❇️❇️❇️❇️
翻兜指数：❇️❇️❇️❇️❇️
张贴
