神燈燒 (已結業)

早几日旺角行完街，经过银座门口有个蓝色公仔飘下飘下，一望原来系一间叫「神灯烧」既餐厅，再望下个公仔唔怪得咁似萧灯神啦。坐低就见到有盏装豉油既神灯，都几有趣。我地叫左个Lv2 set 跟住就出去冻柜攞饮品。饮品种类算多，啤酒汽水茶类都有，而且亦有冲调饮品选择。今晚谂住主打烧烤，所以都冇乜点留意出面既熟食。-等咗一阵食物陆续送到，几种Lv2专有既牛肉卖相都好吸引👍🏻，油脂分布均匀。经过几十秒既烧烤之后，一试果然味道非常好！不得不提除左盐之外，呢度仲有6种调味粉可以选择，包括孜然，咖喱，海苔，黑椒，香辣同埋甘梅👍🏻，都系烧烤放题比较少见既。-Loop左几转牛肉之后，再叫咗茄子，玉子，酥炸鱿鱼须等等👍🏻，全部味道都不俗，绝对对得住呢个价钱。私心推介「时兴隆鱿鱼」👍🏻，加几滴豉油烧完之后正正系以前戏院门口车仔档小贩卖既烤鱿鱼，非常之咁好食！-最后，我地拣咗两款泰国嘅西瓜雪条同熊猫雪条👍🏻做甜品作为今餐嘅结尾。******************************👍🏻好食 | 👌🏻可以 | 😔 难食评分 : 7.5/10简评 : 性价比咁高嘅餐厅绝对值得推介。