串燒屋

营业中

休息中

话说早排同狗狗去打防疫针时，见到对面有间串烧放题小店，系任饮任食都好似唔错，不过当日带住狗狗就唔方便入去，所以就bookmark左佢，谂住有机会就去食返餐。刚好今日老公又OT，两个人又懒懒地唔想煮，所以….就嚟啦！餐厅环境都好宽敞，最好就系冇一般串烧店嘅烟熏熏感觉，所以坐得都系舒服嘅。餐厅主要系以串烧、网烧同埋炸物，食物就以QR code 落单另外有两个大雪糕摆放啲前菜、菜类烧物、啫喱、汽水同埋啤酒，同埋店主自定家制嘅健康饮品。先嚟食咗啲前菜开开胃然后就起动了食大餐，最好嘅就一定系个串烧，因为放上个架度就会自动转嘅(大乡里嘅我都系第一次玩)，串烧炉都够热，所以啲食物都好快就可以烧熟，而又唔会太烧㶶又或者烧到啲肉好干，所以系唔错嘅。我地order左一堆串烧同埋网烧肉，基本上啲食材都好新鲜，而且份量嘅大小刚刚好，我地来来回回都唔知叫左几多转，西冷、牛助条、牛舌、猪柳肉、多春鱼、虾、青口同埋唔同种类嘅丸，真系食到我地唔停得口。最大惊喜就一定系个烤蚝，首先好少任饮任食嘅地方有蚝，二嚟系完全冇谂过个完只肥嘟嘟咁上，而且佢仲系好新鲜，入口超鲜甜，劲钟意呀！另一惊喜就系有我最钟意嘅烧菠萝同棉花糖，见