同人鍋 (已結業)

同一班好友聚会，各人口味不同，食火锅就最 fit，大家都可以食到自己想食嘅嘢。因为朋友唔食得辣，所以叫咗个唔辣嘅鸡煲，鸡肉仲 keep 到好嫩滑，配埋爆得好香嘅洋葱，唔错。食完鸡煲会换另一煲汤打边炉，一次过试晒唔同风味嘅食法，正合我心意。我哋拣咗花胶汤，未落火锅配料前饮咗碗，个汤有花胶，秋冬食啱晒，好鲜呀! 海鲜拼盘有鲍鱼、海虎虾、花甲、鱿鱼、花枝片、韩国蚝、蟹棒、蓝青口同钻石蚬，日本蚝就食得多，韩国蚝就第1次食，原来食落都几鲜，钻石蚬好少见，呢度竟然有，食落好鲜甜呀! 紫薯水晶包好特别，就咁放落去由佢渌，外皮变咗透明就食得，仲要紫薯好味又有益，正! 粟米好甜，系打边炉最喜爱嘅蔬菜之一。朋友话打边炉就一定要食午餐肉，食落又几夹㖞。黑豚肉肥瘦适中，肉味好浓。带子鲜味，白鳝片爽脆。生根吸汤又烟烟韧韧，口感好好。响铃浸落去就即刻夹返上嚟，吸尽汤汁又保留少少松脆口感，每次食火锅必叫。蔬菜都新鲜，解吓油腻感。雪柜嘅饮品系自助任取。食物同饮品都系任食任叫，唔惊朋友话唔够饱，同时可以试齐唔同食品，真系食得好尽兴。