倫哥尚品火鍋私房菜 (已結業)

经过见到尖沙咀火锅店，任饮任食都只系＄318一位，而且系冇限时，仲有刺身食，我哋六个人一于入去试吓。成个任饮任食套餐已经包左12款食物，首先叫咗我最钟意食嘅阿嫲鸡煲，叫咗一只鸡微辣，鸡肉肉质鲜嫩，而且非常香滑，我哋再encore左一煲。饮品方面，有多款韩式罐装饮品选择，仲有自家制嘅凉茶添，我都试咗三四款饮品了。同时间两款前菜、刺身拼盘同埋冬菇炆鲍鱼一齐上，真系大赞啲冬菇炆得好琳，食落去烟烟银银，滋阴补肾。海鲜拼盘非常新鲜，而且入面有唔同款式嘅海鲜，包括我最钟意嘅蛏子同埋羔蟹。每款海鲜只需要灼几分钟就食得，食落去非常鲜甜，特别系只蟹，非常多肉啊。火锅配料包括有牛颈脊、手打双滑、云吞水饺、响铃鱼皮同埋有机蔬菜等等，如果食得唔饱仲有得encore添。最后六个人埋单＄3000有找，每人嘅平均消费只系四百几蚊，就可以食到一餐咁丰富嘅火锅套餐，仲要系任饮任食，非常抵食。