影片
更多
2012-11-19
2318 浏览
今日系结婚周年纪念, 身为屋企大厨嘅我又有一个好藉口罢煮喇!. 之前听人介绍呢间东城唔错, 除咗火锅生料, 仲有好多熟食. 咁啱今日天气冻咗, 我又钟意打边炉, 一家三口决定嚟试下喇.朝早打过电话问过-18:00开始. 星期五/六/假日$115.00全包. 100CM-120CM小童 $68.00. 任饮任食2个小时15分钟.18:00准时去到. 先叫汤底, 再剔生料. 跟住就出去巡视一下.哗! 真系好多嘢食㖞. 出面两大张长枱放满熟食: 有鱼蛋/茶叶蛋/胡椒猪肚/寿包/糯米饭/马拉糕.......另一边放有不须入单嘅火锅生料--蔬菜/.杂菇/生根/响铃/鹅肠/牛柏叶/出前一丁/鸟冬........应有尽有.竹庶水/五花茶/酸梅汤/汽水/啤酒任饮雪糕 (云尼拿/芒果) /雪条(红豆/绿豆)/ 糖水(紫米西米露/红豆沙)任食.仲有张供人混酱嘅枱-辣椒/蒜蓉/各式调味酱料一应俱全.入单嘅生料亦都好快到, 又无漏单, 抵赞!但凡入座帮衬者, 必定大饱口福, 捧住肚子落楼. 入单嘅生料: @ 虾串/ 鲩鱼片/生鱼片/滑牛都好新鲜, 但第一round嘅生鱼片好多骨, 仲要唔系幼骨㖞. 第二r
之前听人介绍呢间东城唔错, 除咗火锅生料, 仲有好多熟食. 咁啱今日天气冻咗, 我又钟意打边炉, 一家三口决定嚟试下喇.
朝早打过电话问过-18:00开始. 星期五/六/假日$115.00全包. 100CM-120CM小童 $68.00. 任饮任食2个小时15分钟.
18:00准时去到. 先叫汤底, 再剔生料. 跟住就出去巡视一下.
哗! 真系好多嘢食㖞. 出面两大张长枱放满熟食: 有鱼蛋/茶叶蛋/胡椒猪肚/寿包/糯米饭/马拉糕.......
另一边放有不须入单嘅火锅生料--蔬菜/.杂菇/生根/响铃/鹅肠/牛柏叶/出前一丁/鸟冬........应有尽有.
竹庶水/五花茶/酸梅汤/汽水/啤酒任饮
雪糕 (云尼拿/芒果) /雪条(红豆/绿豆)/ 糖水(紫米西米露/红豆沙)任食.
仲有张供人混酱嘅枱-辣椒/蒜蓉/各式调味酱料一应俱全.
入单嘅生料亦都好快到, 又无漏单, 抵赞!
但凡入座帮衬者, 必定大饱口福, 捧住肚子落楼.
入单嘅生料:
@ 虾串/ 鲩鱼片/生鱼片/滑牛都好新鲜, 但第一round嘅生鱼片好多骨, 仲要唔系幼骨㖞. 第二round就好掂, 完全无骨.
@手打丸--鲜味爽口, 一啖一粒, 正!
@肥牛--太肥了又韧, 唔得!
题外话/补充资料：
虽然话系食2个小时15分钟, 我哋18:00入座, 未够20:00已有人叫你埋单, 跟手知客就叫人入嚟. 老公同阿仔仲食紧雪糕之际, 已有人企喺背后, (我即时望表, 当时系20:05) 喂! 仲有十分钟先够钟架. 就算你话离坐计, 咁比多五分钟食埋杯雪糕都得呱!. 搅到佢哋要捧住雪糕一路行一路食. 虽然我知出面好多人等, 但知客见人客还在进食, 而且尚未够钟, 咁样催人走就真系.......有啲过分啰 :<
(以上食记乃用户个人意见 , 并不代表OpenRice之观点。)
张贴
