二鍋頭 (福苑)

营业中

休息中

鸡煲加火锅好多地方都有，免费升级任食鸡煲就较少，今日嚟到呢间位于旺角嘅二锅头，一个价钱任食鸡煲、猪手煲、牛尾煲、两种鱼配4款口味烤鱼，再转鸳鸯汤底打边炉，猪牛鸡鱼煲无限量任饮任食7小时，性价比高。鸡煲叫咗少辣，上枱可即食秘制鸡煲酱配少辣非常惹味，店员会问要唔要芫茜，咁啱朋友真系唔食芫茜，朋友食得好开心。 鸳鸯汤底蕃茄薯仔加越式香浓牛肉锅，一边酸甜，一边微辣，火锅材料新鲜任点任食，落单后即时送上，牛板腱好嫩滑，牛柏叶爽脆，海虾鲜甜，云吞水饺皮滑馅料靓。自助区有多款丸类及蔬菜任取任食，各种丸类质素都很好，蔬菜新鲜翠绿，仲有炸鱼皮同炸响铃，吸取汤汁精华超好食。仲有多种啤酒汽水饮品任君选择，最后一定要食埋雪糕先够满足。