影片
更多
2019-06-05
842 浏览
呢间位于大角咀嘅「食鸡」评价唔错，我地今晚一于试一试。餐厅位于洋松街，我地收工喺太子行过来都好方便。平日8点钟未够，都已经好多人食紧，我几钟意佢呢度够阔落，两排梳化位，中间圆枱，枱与枱间有适量位置，完全唔觉逼狭。最重要系冷气够，同埋有电视睇，环境方面唔错星期日至四收费：每位258蚊，任饮、任食、任坐，哈哈。配料任食，追加鸡煲每两人份20蚊；汽水、菊花蜜等无酒精饮品任饮，钟意饮啤酒嘅都可以加20蚊任饮埋啤酒。坐低就每位送上前菜，朋友好钟意佢地嘅牛腩，燘得够腍、入味，有诚意！酱油自助鸡煲方面口味不单一，除左一般常见嘅川味鸡煲，仲有几款新口味，包括：养生正气鸡煲、椰香鸡煲、南姜鸡煲同芝士鸡煲，煲入面嘅配料、调味仲可以自行选择多少，好有弹性心大心细之际，问下店员有咩推荐，佢都建议我地试下养生鸡煲，然后再追加其他口味。养生正气鸡煲：里面有冬菇、虫草花、红枣、莲藕等食材，唔辣嘅，冇川式鸡煲咁重口味，名符其实，仲有少少似炖鸡/蒸鸡嘅感觉待滚起之后，店员会轻轻翻炒，之后就食得。鸡件份量多，而且呢款口味食落比一般鸡煲滑，完全唔咸，果然养生。如果直接用呢个煲打边炉，就冇乜热气感，相信女士或者长者都会好喜欢
星期日至四收费：每位258蚊，任饮、任食、任坐，哈哈。配料任食，追加鸡煲每两人份20蚊；汽水、菊花蜜等无酒精饮品任饮，钟意饮啤酒嘅都可以加20蚊任饮埋啤酒。
坐低就每位送上前菜，朋友好钟意佢地嘅牛腩，燘得够腍、入味，有诚意！
酱油自助
鸡煲方面口味不单一，除左一般常见嘅川味鸡煲，仲有几款新口味，包括：养生正气鸡煲、椰香鸡煲、南姜鸡煲同芝士鸡煲，煲入面嘅配料、调味仲可以自行选择多少，好有弹性心大心细之际，问下店员有咩推荐，佢都建议我地试下养生鸡煲，然后再追加其他口味。
养生正气鸡煲：里面有冬菇、虫草花、红枣、莲藕等食材，唔辣嘅，冇川式鸡煲咁重口味，名符其实，仲有少少似炖鸡/蒸鸡嘅感觉
待滚起之后，店员会轻轻翻炒，之后就食得。鸡件份量多，而且呢款口味食落比一般鸡煲滑，完全唔咸，果然养生。如果直接用呢个煲打边炉，就冇乜热气感，相信女士或者长者都会好喜欢。
我特别钟意豆卜、冬菇同莲藕，入味呢
食完一煲其实都已经好满足，但我地贪心嘛，想食多份，就算用20蚊追加都非常抵架，点左招牌川味鸡煲，用原只新鲜芝麻鸡加秘制酱汁制成，分微/小/中/大辣，里面有花椒、芫茜、洋葱、大葱、姜片，呢几款可以自选多/少/原本份量/直头唔要，抵赞，始终唔系个个食鸡煲即制，大约等15分钟上枱。
上枱见到鸡煲几吸引，铺满配料，然后可以利用枱面嘅漏斗计时，约3分钟，鸡煲滚起店员都会帮我地轻轻翻炒，之后就食得。
拣左小辣，辣度唔算高，带少少麻，好惹味啊，如果钟意或者食得辣，建议拣中辣以上，不过要留意，会愈食愈辣呢。
佢地酱汁满满，好香口，鸡件入味，食唔停口。但食完两煲鸡，我地已经开始饱拿拿声点埋配料试下。
任食配料选择充足，超过40款，包括：黑毛猪梅肉、牛小排、牛肩胛、丸类、饺类、蔬菜、面食等等。仲好环保，用胶片同白板笔下单。
牛肉质素可以。
特别钟意鸭血，好香好滑溜；珍宝蟹棒好大条，正；推荐激爽鱼片头，口感好特别，好爽芝士肠都好正，用料唔错。
即食煎餐肉：
蔬菜类例如娃娃菜、菇菌可以喺自助区自己夹。
仲有童年回忆啫喱呢，加埋花奶冇得输。
饮品方面有汽水、纸包饮品同自家制菊花蜜，唔会好甜架，够清爽。
啤酒加20蚊可以放题都抵嘅。
张贴
