食雞

营业中

休息中

最近听好多朋友介绍呢间鸡煲火锅，话入面好多嘢食，而且鸡煲份量好多好高质，咁一于今日约埋几个朋友嚟试吓啦。一去到已经见到好多客人，所以佢呢度应该要book位㗎。因为钟意食辣，所以就叫咗个辣嘅鸡煲，估唔到小辣已经好香，不过食落唔会太辣，大人小朋友都食得。呢度嘅鸡真系非常出色，佢嘅鸡肉好嫩滑，就算煮好耐好入味，都唔会太老，应该系新鲜鸡。食完鸡煲之后，佢仲可以加汤打边炉，虽然食完鸡煲已经好饱，但系我哋都试咗少少佢嘅火锅材料。另外呢度仲有好多唔同类型嘅炸物，款式仲多过放题，我自己就认为佢嘅炸鸡翼非常高质，炸到外脆内嫩，小朋友都争住食。呢间餐厅嘅鸡真系非常高质，无论系鸡煲定系炸鸡都嫩滑过出面𠮶度好多，唔怪得呢间餐厅叫食鸡啦。呢度嘅饮品系自助形式，而且加$10仲有啤酒任饮，我见到仲有好多苹果酒同埋比较高质嘅啤酒，不过今日因为要揸车同照顾小朋友所以就冇饮啦呢间餐厅又平又抵食，唔怪得咁多人介绍啦。