京香閣 (已結業)

对北京菜嘅印象，就系片皮鸭同埋贵！喺香港食高品质嘅北京菜，价钱不菲但，最近有朋友介绍我上环嘅京香阁，有晚市放题自助餐，任饮任食两个钟，成人每位先二百几蚊，好抵食。 呢度环境唔错，有空间感，唔会坐得迫。片皮鸭同埋饮品同凉菜都系自己出去拎。主菜甜品就系任嗌。 每位成人仲送一盅虫草花胶炖汤同龙虾或虎虾。我试咗龙虾，好大只，肉质爽弹，水准十分高。 餐牌上任点嘅菜式好多，每样少少已经好饱喇。最好嘅地方系可以样样都点一人份量，咁就可以试晒咁多款。甜品都有六七款选择，酒酿丸子，桂花糕，高力豆沙，豆沙锅饼都系必点。食完甜品，这顿晚餐非常圆满。