牛知己 (已結業)

昨日我同未婚妻大人行过元朗，落雨又冻冻地，揾揾下见有杂志介绍元朗牛知己，当堂吓一跳，然后就食到笑。我地order左个最平嘅韩牛海鲜餐，加廿蚊配泡菜汤汤底，送菜好有效率，因为系用RFID嘅传菜运输带，order嘅食物直接会送到台，好正。虽然系最平嘅餐，不过牛肉好正，牛肉灼十秒就要食，如果咪会好老，点韩式辣酱食，一流。另外仲有鸡肉又系好正，灼完食落仲系好滑，应该系同汤底酸酸地有关系，仲有啲猪肉片又系正，点蒜蓉酱食，喂！食完返唔到转头！牛知己有大量蔬菜供应，样样新鲜，丸类亦有好多，最紧要连甜品都咁正，雪糕乳酪任食自己唧，钟意加咩配料都得，个半钟头食到饱饱，下次一定再嚟。