初心

营业中

休息中

俾我揾到间抵食嘅任食打边炉鸡煲，仲有送刺身同海鲜,两个人食到捧住个肚。星期五、六日系做紧$328一位，2.5小时任食。味道不过不失，但重点胜在款式够多，而且系任食，时间长可以令你回本。一开始会有三文鱼刺身，之后就可以食鸡煲，仲有宫廷小食，包括黑松露虾多士、木耳等等的前菜，所有嘢都可以无限加添。食完鸡煲就可以转打边炉，汤底都有好多款选择，清清地我就拣咗个养生莲花汤底，真系大大棵莲花可以放入去食。另外佢仲会送一个海鲜盘，有鲍鱼、螺、墨鱼，沙白等，都算几丰富。嘢饮方面，除咗基本汽水果汁，呢度竟然啤酒都系似饮，都真系几抵。